Der Orientierungstag ist heute erfolgreich gestartet. Nach und nach sind alle Teilnehmenden eingetrudelt und konnten sich zuerst einmal ankommen und orientieren. Das Kennenlernen war zu Beginn noch etwas zurückhaltend und vorsichtig, doch schon nach kurzer Zeit wurde die Stimmung lockerer und es entstand eine erste Gruppendynamik.

Offiziell begrüsst wurden wir von der Leitung der Studierendenvereinigung, die uns einen Einblick in den kommenden Kurs und das Setting gegeben hat.

Anschliessend ging es direkt nach draussen in einen Sportblock. Dabei wurde nicht nur Energie freigesetzt, sondern auch ordentlich Schlamm aufgewirbelt – am Ende waren viele ziemlich dreckig, was der Stimmung aber keinen Abbruch tat.

Mit entsprechend schmutziger Ausrüstung ging es danach wieder nach drinnen, wo wir uns mit den J+S-Blocktypen auseinandergesetzt haben. Trotz der etwas speziellen Umstände konnten wir einen guten Überblick gewinnen.

Zum Abschluss des Tages wurden die Wahlblöcke vorgestellt und gewählt. Dabei haben wir erfahren, welchen „Studiengang“ wir im Kurs weiterverfolgen werden.

Insgesamt ein gelungener Start mit viel Bewegung, ersten Kontakten und einem guten Einstieg in den Kurs.

Wir händ eus am Winti Hb troffe und sind denn mit dem Zug uf Einsidouuu was mitten in Berlin ish. Wommer i eusem Sterne Hotel nächtige  tüend. Womer acho sind, ish eus ufgfalle das mir gar nid mitte in Berlin sind sondern imene vorort. Das entüscht eus sehr. Eusi Studiereis hät sho de erst Rückschlag erlitte. Doch mir lönd eus nid ufhalte darum häts dötte dä erst Input zu de Ziel vom Kurs gä. Denne häts Mittag gäh. 

Nachm Mittag hämmer chöne eusi LS Blöck plane. Bevor mir is Huus gange sind hämmer no de Kurspackt besproche.  Bis am Abig ish denn Freiziit gsi. Finnaly häts denn endlich znacht gä und druf denn e Rundi Ämtle.

Hüt morge hets richtig feine Zmorge geh aber leider kei Kafi. Denn hämmer e chlini SRF Doku möse filme. Nacher gemmer TNBs überarbeitet und glernt wie mer gueti Rückmeldige git. Sie hend eus denn zeigt wie mer e Wanderroute plant. Als Ahang zu demm hemmer no glernt wie mer uf d Besürfniss vo Wölfli iigaht. Mir hend au no so lustigi Theater gmacht für jedi Stufe. Es het geile Zmittag geh. Zum zmitag hets wie immer richtig geils esse geh. Am Namittag hemmer eusi ersti wanderig Planet und hend die zwei echt coole TNBS gha. Zum de tag uswerte hemmer vor em Znacht no Gruppestund gha, wo jedi Gruppe e eigeni Mathode gha het. De döner zum Znacht het richtig gfezzt und isch hammer gsi. Tag isch eiglo gsi und „wetter isch nume mindset“

Hüt Morge hets mega feine Chia Pudding zum Zmorge geh. Das mal sogar mit Kafi. (Chuchi, mir liebed eu!)

Denn hets en Zahputzrave geh mit nöd allzu gueter Rave Musig (shame on you Rainer, mir hed aramsamsam aramsamsam gulli gulli gulli gulli gulli ramsamsam welle). Denn hend mir e Nachricht i de Madlene ihrem Chrüzworträtselheft gfunde: E Schwiizerin seg bimne gheime Poetry Slam als vermisst gmeldet worde. DBeschriibig vo de Frau passt erstundlich guet uf dSabrina. Oh schreck!

Ahschlüssend sind dTNBs gsi, wo hoffentlich alli bestande hend. 

Denn hets en Input zu Wanderigs SiKos geh, wo mir am Namittag denn grad umgsetzt hend. 

Churz vorem Mittag hets denn no en richtig guete Block über die eigene Grenze und sPSA (was natürlich Pfadi, Sex und Alkohol heisst) geh.

Nachdem mir de Input über Wanderigs SiKos umgsetzt hend, hets die lang ersehnti Siesta geh. Juhuuuuuuu!

Ahschlüssend hets denn no die letschte TNBs geh und vor em Znacht no dGruppestund.

Bim TANF händ mir Yoga gmacht i dä Sunne vor äm Huus. Am 9i isch es dänn wiiter gangä mit dä Überarbeitig vo dä Wanderig. Im nöchste Block isch es dänn um PF (Persönliche Förderung) und Leitwölfli gangä. Dänn hämmer dä FUN-Block gha und dehtä händ mir chöne chli mache was mir händ wellä. Die meiste händ volleyball gspielt und anderin händ kubb und Fuessball gspielt. Dänn händ mir au no alli zämä tanzät. Am Mittag häts dänn Zmittag gäh. Nach äm Zmittag händ mir än Postelauf gmacht zum Thema Rechte, Plichte und Krisen. Nachher hämmer Siesta gha. Dänn isch no dä super feini Znacht cho wo mir alli mega fein gfunde händ. Dankä Chuchi.

Gester Abig nach de Ämtli simmer all versammlet worde zum eh truur prozession durch s quartier z mache da mir immernonig wüssed ob d Sabrina überhaupt no lebt und sie jetzt scho sit 3 Täg verschwunde isch. Denach hemmer au no e Beerdigung gha zum ihres letschte Werch ehre und hend no all uf sie trunke. Da mir det all natürlich denn sehr truurig gsi sind hemmer denn no di erschte Wahlblöck gha zum eus chlige ablenke. Die einte sind go tanze, es paar hend 3D Origami gmacht und denn hets no welchi gä wo über di psychischi Gsundheit gredet hend. Nacher simmer denn all au scho sehr müed gsi und da mir am nächschte Tag hend wellä Berlin go aaluege simmer denn go schlaafe.

Am nächste Morge simmer all früeh wach gsii und sind am halbi 7ni im Ufenthaltsruum gstande zum de Lunch und Zmorge iipacke. Am 7ni simmer denn loosgloffe zum Bahnhof das mer de Zug verwütsched. Womer in Sattel aacho sind hemmer zersch alli zmorge gesse und sind denn i de verschiedene Gruppe loosgwanderet. Ca am 2 simmer denn all wieder ufenandtroffe uf em Zuugerberg. Mir hend scho all Zmittag gesse und sind au all meh oder weniger müed und kapputt gsi. Nichts desto trotz hemmer ja doch no abe müesse und da hemmer mit so Bergtrottis gmacht. Dete simmer aber plötzli uf e Baustell troffe wommer denn dur d Wise gloffe sind. Nachdem mer e bizli gsuecht hend hemmer dunne im Tal denn au de Abgabepunkt fo de trottis gfunde. Allerdings hemmer denn extrem knapp de Zug verpasst und hend uf de nächscht müesse. Als wiederguetmachig hend üüs denn aber d Aurea und Dyani es glace kauft. Denn het de Zug aber verspätig gha und durch das hemer de Aschlusszug verpasst. Das da aber nid so viel Züg nach Einsidlow het hemmer denn 30 Minute uf de nächscht zug müesse warte womer denn d Gruppestund fürezoge hend. Womer denn endlich mal acho sind hemmer ca 1 Stund freiziit gha und hend nacher zu dere WG Party müesse womer es paar Infos zum verschwinde fo de Sabrina gfunde hend. Mir hend usegfunde das sie ihre Poetry Slam Text mit KI gschribe het und das de Verein das gar nid gern gha het. Da’s au e gwüssi Person namens A. Moretti uf de Aaweseheitsliste gha het hemmer jetzt au no chli e Vermuetig das d Alyssa au am Poetry Slam gsi isch und si het sich au no chli verredet. Zudem het d Maria (d Gastgeberin) sehr de Sabrina gliichet und wo si gange isch will mir si befröget hend isch plötzlich e Telefonnummere uuftauchet dere mir aber nonig aaglüte hend. Jetzt simmer all am Ämtli mache und hend nacher no en SingSong :)